Δοβρουτσά
Η Δοβρουτσά (ρουμ.: Dobrogea, βουλγ.: Добруджа, τουρκ.: Dobruca) έν' μιαν ιστορική και γεωγραφική περιοχή σην Νοτιοανατολική Ευρώπην. Ασόν 19ο αιώνα και ύστερα, η περιοχή έν' μοιρασμένη ανάμεσα σην Βουλγαρίαν και την Ρουμανίαν. Ευρίσκεται ανάμεσα σον κάτω ποταμόν Δούναβην και σην Μαύρην Θάλασσαν και περιλαμβάνει το Δέλτα τη Δούναβη, τα ρουμανικά τα παράλια και το βορειότερον κομμάτι τη βουλγαρικής ακτής. Η γη τη Δοβρουτσάς χωρίζεται σην Βόρειον Δοβρουτσά, ντο έν’ κομμάτι τη Ρουμανίας, και σην Νότιον Δοβρουτσά, ντο έν’ κομμάτι τη Βουλγαρίας.
Το κομμάτι τη Ρουμανίας (Δοβρογέα) χωρίζεται σε δύο μεγάλας νομαρχίας, τη Κωνστάντζας και τη Τούλτσεας. Όλη μαζί η έκταση ατουν έν' 15.588 τετραγωνικά χιλιόμετρα και ο κόσμον ντο ζει εκεί έν’ ολίγον λιγότερος ασά 850.000 ψυχάς. Τα κυριότερα τα πολιτείας έν’ η Κωνστάντζα, η Tούλτσεα, η Μετζίντια και η Μανγκάλια. Σο εθνικόν το έμβλημα τη Ρουμανίας, την Δοβρουτσάν αντιπροσωπεύκνε τα δελφίνια.
Το κομμάτι τη Βουλγαρίας (Ντομπρούτζα) χωρίζεται σαν επαρχίας τη Ντόμπριτς και τη Σιλίστρας. Περιλαμβάνει επίσης και μερικά χωρία τη επαρχίας τη Ράζγκραντ: το Κόνεβο, το Ραΐνινο, το Τέρτερ και το Μάντρεβο, καθώς και το χωρίον Γκενεράλ Κανταρτζίεβο σην Βάρναν. Όλο μαζί ατό το κομμάτι έχει έκταση 7.566 τετραγωνικά χιλιόμετρα και ο κόσμον ατ’ έν’ κοντά σα 250.000 ανθρώπ’. Τα κυριότερα τα πολιτείας εκεί έν’ το Ντόμπριτς και η Σιλίστρα, ντο έν’ και τα διοικητικά κέντρα τη περιοχής..