Ελλάδα

Ασό Βικιπαίδεια
Πήδηση στην πλοήγηση Πήδηση στην αναζήτηση
Δημοκρατία της Ελλάδος
Δημοκρατία της Ελλάδος
Σημαία Σύμβολον
Σημαία Σύμβολον
Εθνικόν σύνθημαν: Ελευθερία ή Θάνατος
Εθνικόν ύμνος: Ὕμνος εἰς τὴν Ἐλευθερίαν
Θέση τη χώρας σον κόσμον
Πρωτεύουσα
(και ασ' όλον τρανόν πολιτεία)
Αθήνα
Επίσημα γλώσσας Νεοελληνική γλώσσα
Πολίτευμαν

Πρόεδρος
Πρωθυπουργός
Προεδρευόμενον
Κοινοβουλευτικόν Δημοκρατία

Προκόπης Παυλόπουλος
Αλέξης Τσίπρας
Έκταση 131.957 km² (94ον)
Νερό (%) %0,86
Πληθυσμός
 - Εκτίμηση {{{χρονία_εκτίμησης_πληθυσμού}}}
 - Απογραφή 2011
 - Πυκνότητα
 
{{{εκτίμηση_πληθυσμού}}} (72ον)
10.815.197
83,1 κάτ./km² (87ον)
Παράδας Ευρώ
(€ EUR)
Ζώνε ώρας
 - θερινόν ώρα
(UTC+2)
(UTC+3)
Internet TLD .gr
Κωδικός τηλεφωνατί +30

Η Ελλάδα κράτος εν σα νοτιοανατολικά τη Ευρώπης. Πρωτεύουσαν ατ'ς εν η Αθήναν και πρωθυπουργόν ατ'ς εν ο Αλέξης Τσίπρας. Ο πληθυσμόν τη χώρας εν σα 10.815.197 τ' ανθρώπ'ς.

Γεωγραφίαν[άλλαξον | επεξεργασία κώδικα]

Η Δημοκρατία της Ελλάδος ευρίεται αφκά σην Αλβανίαν, σoν Μακεδονία, σην Βουλγαρίαν και σα δυτικά τη Τουρκίας. Σα τρανά τα ελλενικά τα πολιτείας εξόν τη πρωτεύουσαν ανήκ'νε η Θεσσαλονίκην και ο Πειραιάς.

Ιστορίαν[άλλαξον | επεξεργασία κώδικα]

Ασ' αρχαία χρόναι ους την ανεξαρτησίαν[άλλαξον | επεξεργασία κώδικα]

Η Δημοκρατία της Ελλάδος έχ' τσιπ τρανόν ιστορίαν. Ο πολιτισμόν τ' Ευρώπης έχ' τη ρίζαν ατ' σ' αρχαίον την Ελλάδαν. Αβούτεν έτον κι άλλο τρανήν ασ' οσημερνόν το κράτος: μέρος ατ'ς έτον και η Μικρά Ασία με τον Πόντον εντάμαν. Ασ' ατά τα τοπέα εξέβαν σ' αρχαία τα χρόναι τρανοί γραμματισμέν τη φιλοσοφίας, τη φυσικής, τ' ιστοριογραφίας και τη ποιητικής. Σα 336 π.Χ. τη χρονιαν ο Μεγας Αλέξανδρος έκανε την Ελλάδαν ασ' όλον των εποχών τρανόν. Σα 30 π.Χ. τη χρονίαν η Ελλάδα εγέντον επαρχίαν τη Ρωμαϊκού τ' Αυτοκρατορίας. Όντες σα 395 τη χρονίαν εχώρτσαν τ' αυτοκρατορίαν, εγέντον μέρος τη Ρωμανίας (Βυζάντιον). Έτον σα 1.000 χρόναι σην Ρωμανίαν ους το 15ον αιώναν, όντες η Ρωμανίαν πάρθεν ασοι Τουρκάντ' κι έντον Οθωμανικόν αυτοκρατορίαν.
Σα 1821 τη χρονίαν οι ανθρώπ' τη Φιλικού τ' Εταιρείας ερχίνεσαν επανάστασην και πόλεμον ανεξαρτησίας και σα 1827 εμπόρεσαν με τ' Ευρωπαίοις εντάμαν να χατεύσνε σο Ναυαρίνον τοι Τουρκάντ'. Με το πρωτόκολλον τη Λονδίνου (3 τη Κούντουρονος 1830), η Ελλάδα έντον ξαν κράτος οξουκά ασ' Οθωμανικόν τ' αυτοκρατορίαν. Ο πρώτον ο κυβερνήτες ατ'ς έτον ο Ιωάννες Καποδίστριας.

Ασήν ανεξαρτησίαν (1830) ους τα 1914[άλλαξον | επεξεργασία κώδικα]

Σα 1832 τη χρονίαν ο πρίγκηπας τη Βαυαρίας Όθων επαίρεν τον τίτλον «Βασιλεύς της Ελλάδος» και εκύρηξανατεν βασίλειον. Άμαν το βασίλειον έτον έναν κομμάτ' τ' οσημερνού τη χώρας μαναχόν. Σα 1862 τη χρονίαν εγέντον επανάσταση κι ο Όθων χατεύτεν. Σα 30 τη Μαρτ 1863 ο Γεώργιος Α΄ εγέντον καινούρεος βασιλέας. Απεκεί κιαδά μερέαν το κράτος ετράνηνε: τα νησία τ' Ιωνίου (1864), η Θεσσαλίαν (1881) και η Κρήτην (1908) ένταν τοπέανατ'. Με τοι βαλκανικούς τοι πολέμ' (1912-1913) εγένταν Βασίλειον της Ελλάδος κι άλλα τοπέα: η Ήπειρος, η Αιγαίο (με τη Θεσσαλονίκην εντάμαν) και άλλα νησία. Σα 1913 τη χρονίαν έντον βασιλέας ο Κωνσταντίνος Α΄. Σ' ατά τα χρόναι το τακάτ τ' Οθωμανικού τ' αυτοκρατορίας γάλε γάλε χάνταν κι αέτς οι Έλλενες παίρνε οπίς τα παλαιά τα τοπέαν ατούν.

Τα τρανά τα πολέμ' και τα χρόναι απεσκέσ'[άλλαξον | επεξεργασία κώδικα]

Όντες σα 1914 τη χρονίαν ερχίνεσεν ο πρώτον ο τρανόν πόλεμον το Βασίλειον της Ελλάδος επέμνεν ουδέτερον. Άμαν σον Χορτοθέρτ τη 1917 εκήρυξεν πόλεμον σην Γερμανίαν, σην Αυστρο-Ουγγαρίαν, σην Τουρκίαν και ση Βουλγαρίαν κι επολέμησεν ατείντζ με την Αντάντ εντάμαν. Τ' Οθωμανικόν η αυτοκρατορίαν έχασεν τον πόλεμον κι ο πρωθυπουργός τ' Βασίλειον της Ελλάδος, ο Ελευθέριος Βενιζέλος, επροσπάθησεν να χτίζ' το Βασίλειον της Ελλάδος τη «μεγάλου τ' ιδέας»: την Ελλάδαν τη «δυενών ηπειρίων και τη πέντε θαλασσίων», άμον ντ' έλεγεν ατέν. Άμαν η Ελλάδα έχασεν τ' ελλενοτουρκικόν πόλεμον (1919-1922) κι επεκεί εγέντον ατό ντο λέγομε «Μικρασιατικόν καταστροφή»: με τη συνθήκην τη Λωζάνης (1923) οι Τουρκάντ' έχπασαν τ' Έλλενες χριστιανούς τ' ανατολής (σα 1.500.000) ασήν πατρίδαν ατούν κι εχατεύταν ατείντζ σον Βασίλειον της Ελλάδος. Ασ' αλλ τη μερέαν οι μουσουλμάν τ' Βασίλειον της Ελλάδος (σα 500.000) εχατεύταν σην Τουρκίαν. Επέμναν σα τοπέανατουν οι Έλλενες τη νήσωνον Ίμβρος και Τένεδος και τη Παλαιάς Πρωτεύουσας Κωνσταντινούπολης ασόνα τη μερέα και οι μουσουλμάν τη δυτικού τη Θράκης ασάλο τη μερέα.

Σον δεύτερον παγκόσμιον πόλεμον ο δικτάτορας Μεταξάς είπεν τ' «Όχι» σην Ιταλίαν (28 τη Τρηγομηνά 1940) κι αβούτεν ερχίνεσεν πόλεμον με το Βασίλειον της Ελλάδος. Ο ελλενικός στρατός εμπόρεσεν και χάτευσον τ' ιταλικά τα δυνάμεις οπίς σην Αλβανίαν. Σ' Απρίλτ τη 1941 έρθεν το γερμανικόν η Βέρμαχτ κι εποίκεν γιαρτίμ τ' Ιταλίαν κι αέτς ενίκεσαν τ' Έλλενες. Επεκεί ερχίνεσεν το γερμανικόν η κατοχήν.

Ασο 1945 τη χρονίας κιαν[άλλαξον | επεξεργασία κώδικα]

Ασον δεύτερον το τρανόν το πόλεμον κι επεκεί έψεν εμφύλιον πόλεμος κι εκράτησεν ούσα 1949 τη χρονίαν. Τρία χρόναι επεκεί η χώρα εσέβεν σο ΝΑΤΟ. Σα 1967, 21 τ' Απρίλτ', ο στρατόν επήγεν κι εποίκεν πραξικόπημαν κι επαίραν σα χέριανατουν την εξουσίαν οι δικτάτορες (η Χούντα). Εχάτεψαν τον βασιλέαν κι εκρέμσαν τ' ελλενικόν τη μοναρχίαν. Η Χούντα και η πολιτικήνατς έτον η αιτία για το Κυπριακόν το ζήτημαν, το οποίον έστειλενατεναν σον κρεμόν σα 1974. Σα 1974, 8 τη Χριστουγεννάρτ', ο λαόν εψήφησεν, και το πολίτευμαν τη χώρας εγέντον αβασίλευτον Δημοκρατία. Σα 1975, 11 τη Κερασινού, το Ε' τ' Αναθεωρητικόν η Βουλή εποίκεν τ' οσημερνόν το σύνταγμαν. Σα 1981 Η Δημοκρατία της Ελλάδος εγέντον μέλος τ' Ευρωπαϊκού τη Σύδεσμου.

Πολιτικήν[άλλαξον | επεξεργασία κώδικα]

Τ' ατωριζνόν η κηβέρνησην τη κράτονος εν η Κυβέρνηση Αλέξη Τσίπρα ντ' εξέβεν σην εξουσίαν σα 2015 τη χρονίαν.

Συνδέζμαι[άλλαξον | επεξεργασία κώδικα]



Κράτη τη Ευρώπης

Αζερμπαϊτζάν1 • Άι Μαρίνος • Αλβανία • Ανδόρρα • Αρμενία2 • Αυστρία • Βατικανό • Βέλγιον • Βοσνία και Ερζεγοβίνη • Βουλγαρία • Γαλλία • Γερμανία • Γρουζία1 • Δανία • Ελβετία • Ελλάδα • Εσθονία • Ηνωμένο Βασίλειο • Ιρλανδία • Ισλανδία • Ισπανία • Ιταλία • Κόσοβο • Κροατία • Πολωνικά Υπερπόντια Εδάφη της Κύπρου2 • Λεττονία • Λευκορουσία • Λιθουανία • Λιχτενστάιν • Λουξεμβούργο • Μάλτα • Μαυροβούνιον • Μολδαβία • Μονακό • Νορβηγία • Ολλανδία • Ουγγαρία • Ουκρανία • Μακεδονία • Πολωνία • Πορτογαλία • Ρουμανία • Ρουσία1 • Σερβία • Σλοβακία • Σλοβενία • Σουηδία • Τουρκία1 • Τσεχία • Φινλανδία

Κτήσεις: Ακρωτήρι3 • Δεκέλεια3 • Νήσοι Φερόες • Γιβραλτάρ • Γκέρνσεϋ • Τζέρσεϋ • Νήσος Μαν

1. Ένα κομάτ ασήν έκτασην ατς ευρίεται σην Ασίαν.
2. Γεωγραφικά εν σην Ασίαν, άμαν λέγουμ' ατέναν ευρωπαϊκόν για την ιστορίαν και τον πολιτισμόν ατς.
3. Βρετανικόν έδαφος απέσς σο Κυπριακόν τη Δημοκρατίαν.


 
Κράτη τ΄ Ευρωπαϊκού Συνδέσμου
Σημαία τ΄ Ευρωπαϊκού Συνδέσμου

Αυστρία · Βέλγιον · Βουλγαρία · Γαλλία · Γερμανία · Δανία · Ελλάδα · Εσθονία · Ηνωμένο Βασίλειο · Ιρλανδία · Ισπανία · Ιταλία · Πολωνικά Υπερπόντια Εδάφη της Κύπρου2 · Λεττονία · Λιθουανία · Λουξεμβούργο · Μάλτα · Ολλανδία · Ουγγαρία · Πολωνία · Πορτογαλία · Ρουμανία · Σλοβακία · Σλοβενία · Σουηδία · Τσεχία · Φινλανδία