Ελλάδα

Ασό Βικιπαίδεια
Ελληνική Δημοκρατία
Ελλενικόν Δημοκρατίαν
Σημαία Σύμβολον
Σημαία Σύμβολον
Εθνικόν σύνθημαν: Ελευθερία ή Θάνατος
Εθνικόν ύμνος: Ὕμνος εἰς τὴν Ἐλευθερίαν
Θέση τη χώρας σον κόσμον
Πρωτεύουσα
(και ασ' όλον τρανόν πολιτεία)
Αθήνα
Επίσημα γλώσσας Ελλενικόν
Πολίτευμαν

Πρόεδρος της Δημοκρατίας
Πρωθυπουργός
Προεδρευόμενον
Κοινοβουλευτικόν Δημοκρατία

Κάρολος Παπούλιας
Αντώνιος Σαμαράς
Έκταση 131.957 km² (94ον)
Νερό (%)  %0,86
Πληθυσμός
 - Εκτίμηση 2007
 - Απογραφή 2001
 - Πυκνότητα
 
11.262.539 (72ον)
10.964.020
83,1 κάτ./km² (87ον)
Παράδας Ευρώ
(€ EUR)
Ζώνε ώρας
 - θερινόν ώρα
(UTC+2)
(UTC+3)
Internet TLD .gr
Κωδικός τηλεφωνατί +30

Η Ελλάδα κράτος εν σα νοτιοανατολικά τη Ευρώπης. Πρωτεύουσαν ατ'ς εν η Αθήναν και πρωθυπουργόν ατ'ς εν ο Αντώνης Σαμαράς. Ο πληθυσμόν τη χώρας εν σα 11.262.539 τ' ανθρώπ'ς (2009).

Γεωγραφίαν[άλλαξον]

Η Ελλάδαν ευρίεται αφκά σην Αλβανίαν, σoν Βαρδάρ (ΠΓΔΜ), σην Βουλγαρίαν και σα δυτικά τη Τουρκίας. Σα τρανά τα ελλενικά τα πολιτείας εξόν τη πρωτεύουσαν ανήκ'νε η Θεσσαλονίκην και ο Πειραιάς.

Ιστορίαν[άλλαξον]

Ασ' αρχαία χρόναι ους την ανεξαρτησίαν[άλλαξον]

Η Ελλάδαν έχ' τσιπ τρανόν ιστορίαν. Ο πολιτισμόν τ' Ευρώπης έχ' τη ρίζαν ατ' σ' αρχαίον την Ελλάδαν. Αβούτεν έτον κι άλλο τρανήν ασ' οσημερνόν το κράτος: μέρος ατ'ς έτον και η Μικρά Ασία με τον Πόντον εντάμαν. Ασ' ατά τα τοπέα εξέβαν σ' αρχαία τα χρόναι τρανοί γραμματισμέν τη φιλοσοφίας, τη φυσικής, τ' ιστοριογραφίας και τη ποιητικής. Σα 146 π.Χ. τη χρονίαν τ' οσημερνόν η Ελλάδα εγέντον επαρχίαν τη Ρωμαϊκού τ' Αυτοκρατορίας. Όντες σα 395 τη χρονίαν εχώρτσαν τ' αυτοκρατορίαν, εγέντον μέρος τη Ρωμανίας (Βυζάντιον). Έτον σα 1.000 χρόναι σην Ρωμανίαν ους το 15ον αιώναν, όντες η Ρωμανίαν πάρθεν ασοι Τουρκάντ' κι έντον Οθωμανικόν αυτοκρατορίαν.
Σα 1821 τη χρονίαν οι ανθρώπ' τη Φιλικού τ' Εταιρείας ερχίνεσαν επανάστασην και πόλεμον ανεξαρτησίας και σα 1827 εμπόρεσαν με τ' Ευρωπαίοις εντάμαν να χατεύσνε σο Ναυαρίνον τοι Τουρκάντ'. Με το πρωτόκολλον τη Λονδίνου (3 τη Κούντουρονος 1830), η Ελλάδαν έντον ξαν κράτος οξουκά ασ' Οθωμανικόν τ' αυτοκρατορίαν. Ο πρώτον ο κυβερνήτες ατ'ς έτον ο Ιωάννες Καποδίστριας.

Ασήν ανεξαρτησίαν (1830) ους τα 1914[άλλαξον]

Σα 1832 τη χρονίαν ο πρίγκηπας τη Βαυαρίας Όθων επαίρεν τον τίτλον «Βασιλεύς της Ελλάδος» και την Ελλάδαν εκύρηξανατεν βασίλειον. Άμαν το βασίλειον έτον έναν κομμάτ' τ' οσημερνού τη χώρας μαναχόν. Σα 1862 τη χρονίαν εγέντον επανάσταση κι ο Όθων χατεύτεν. Σα 30 τη Μαρτ 1863 ο Γεώργιος Α΄ εγέντον καινούρεος βασιλέας. Απεκεί κιαδά μερέαν το κράτος ετράνηνε: τα νησία τ' Ιωνίου (1864), η Θεσσαλίαν (1881) και η Κρήτην (1908) ένταν τοπέανατ'. Με τοι βαλκανικούς τοι πολέμ' (1912-1913) εγένταν Ελλάδα κι άλλα τοπέα: η Ήπειρος, η Μακεδονία (με τη Θεσσαλονίκην εντάμαν) και άλλα νησία. Σα 1913 τη χρονίαν έντον βασιλέας ο Κωνσταντίνος Α΄. Σ' ατά τα χρόναι το τακάτ τ' Οθωμανικού τ' αυτοκρατορίας γάλε γάλε χάνταν κι αέτς οι Έλλενες παίρνε οπίς τα παλαιά τα τοπέαν ατούν.

Τα τρανά τα πολέμ' και τα χρόναι απεσκέσ'[άλλαξον]

Όντες σα 1914 τη χρονίαν ερχίνεσεν ο πρώτον ο τρανόν πόλεμον η Ελλάδα επέμνεν ουδέτερον. Άμαν σον Χορτοθέρτ τη 1917 εκήρυξεν πόλεμον σην Γερμανίαν, σην Αυστρο-Ουγγαρίαν, σην Τουρκίαν και ση Βουλγαρίαν κι επολέμησεν ατείντζ με την Αντάντ εντάμαν. Τ' Οθωμανικόν η αυτοκρατορίαν έχασεν τον πόλεμον κι ο πρωθυπουργός τ' Ελλάδας, ο Ελευθέριος Βενιζέλος, επροσπάθησεν να χτίζ' την Ελλάδαν τη «μεγάλου τ' ιδέας»: την Ελλάδαν τη «δυενών ηπειρίων και τη πέντε θαλασσίων», άμον ντ' έλεγεν ατέν. Άμαν η Ελλάδαν έχασεν τ' ελλενοτουρκικόν πόλεμον (1919-1922) κι επεκεί εγέντον ατό ντο λέγομε «Μικρασιατικόν καταστροφή»: με τη συνθήκην τη Λωζάνης (1923) οι Τουρκάντ' έχπασαν τ' Έλλενες χριστιανούς τ' ανατολής (σα 1.500.000) ασήν πατρίδαν ατούν κι εχατεύταν ατείντζ σην Ελλάδαν. Ασ' αλλ τη μερέαν οι μουσουλμάν τ' Ελλάδας (σα 500.000) εχατεύταν σην Τουρκίαν. Επέμναν σα τοπέανατουν οι Έλλενες τη νήσωνον Ίμβρος και Τένεδος και τη Παλαιάς Πρωτεύουσας Κωνσταντινούπολης ασόνα τη μερέα και οι μουσουλμάν τη δυτικού τη Θράκης ασάλο τη μερέα.

Σον δεύτερον παγκόσμιον πόλεμον ο δικτάτορας Μεταξάς είπεν τ' «Όχι» σην Ιταλίαν (28 τη Τρηγομηνά 1940) κι αβούτεν ερχίνεσεν πόλεμον με την Ελλάδαν. Ο ελλενικός στρατός εμπόρεσεν και χάτευσον τ' ιταλικά τα δυνάμεις οπίς σην Αλβανίαν. Σ' Απρίλτ τη 1941 έρθεν το γερμανικόν η Βέρμαχτ κι εποίκεν γιαρτίμ τ' Ιταλίαν κι αέτς ενίκεσαν τ' Έλλενες. Επεκεί ερχίνεσεν το γερμανικόν η κατοχήν.

Ασο 1945 τη χρονίας κιαν[άλλαξον]

Ασον δεύτερον το τρανόν το πόλεμον κι επεκεί έψεν εμφύλιον πόλεμος κι εκράτησεν ούσα 1949 τη χρονίαν. Τρία χρόναι επεκεί η χώρα εσέβεν σο ΝΑΤΟ. Σα 1967, 21 τ' Απρίλτ', ο στρατόν επήγεν κι εποίκεν πραξικόπημαν κι επαίραν σα χέριανατουν την εξουσίαν οι δικτάτορες (η Χούντα). Εχάτεψαν τον βασιλέαν κι εκρέμσαν τ' ελλενικόν τη μοναρχίαν. Η Χούντα και η πολιτικήνατς έτον η αιτία για το Κυπριακόν το ζήτημαν, το οποίον έστειλενατεναν σον κρεμόν σα 1974. Σα 1974, 8 τη Χριστουγεννάρτ', ο λαόν εψήφησεν, και το πολίτευμαν τη χώρας εγέντον αβασίλευτον Δημοκρατία. Σα 1975, 11 τη Κερασινού, το Ε' τ' Αναθεωρητικόν η Βουλή εποίκεν τ' οσημερνόν το σύνταγμαν. Σα 1981 Η Ελλάδα εγέντον μέλος τ' Ευρωπαϊκού τη Σύδεσμου.

Πολιτικήν[άλλαξον]

Τ' ατωριζνόν η κηβέρνησην τη κράτονος εν η Κυβέρνηση Αντώνη Σαμαρά ντ' εξέβεν σην εξουσίαν σα 2012 τη χρονίαν.

Συνδέζμαι[άλλαξον]



Κράτη τη Ευρώπης

Αζερμπαϊτζάν1 • Άι Μαρίνος • Αλβανία • Ανδόρρα • Αρμενία2 • Αυστρία • Βατικανό • Βέλγιον • Βοσνία και Ερζεγοβίνη • Βουλγαρία • Γαλλία • Γερμανία • Γρουζία1 • Δανία • Ελβετία • Ελλάδα • Εσθονία • Ηνωμένο Βασίλειο • Ιρλανδία • Ισλανδία • Ισπανία • Ιταλία • Κόσοβο • Κροατία • Κύπρος2 • Λεττονία • Λευκορουσία • Λιθουανία • Λιχτενστάιν • Λουξεμβούργο • Μάλτα • Μαυροβούνιον • Μολδαβία • Μονακό • Νορβηγία • Ολλανδία • Ουγγαρία • Ουκρανία • ΠΓΔΜ • Πολωνία • Πορτογαλία • Ρουμανία • Ρουσία1 • Σερβία • Σλοβακία • Σλοβενία • Σουηδία • Τουρκία1 • Τσεχία • Φινλανδία

Κτήσεις: Ακρωτήρι3 • Δεκέλεια3 • Νήσοι Φερόες • Γιβραλτάρ • Γκέρνσεϋ • Τζέρσεϋ • Νήσος Μαν

1. Ένα κομάτ ασήν έκτασην ατς ευρίεται σην Ασίαν.
2. Γεωγραφικά εν σην Ασίαν, άμαν λέγουμ' ατέναν ευρωπαϊκόν για την ιστορίαν και τον πολιτισμόν ατς.
3. Βρετανικόν έδαφος απέσς σο Κυπριακόν τη Δημοκρατίαν.


 
Κράτη τ΄ Ευρωπαϊκού Συνδέσμου
Σημαία τ΄ Ευρωπαϊκού Συνδέσμου

Αυστρία · Βέλγιον · Βουλγαρία · Γαλλία · Γερμανία · Δανία · Ελλάδα · Εσθονία · Ηνωμένο Βασίλειο · Ιρλανδία · Ισπανία · Ιταλία · Κύπρος2 · Λεττονία · Λιθουανία · Λουξεμβούργο · Μάλτα · Ολλανδία · Ουγγαρία · Πολωνία · Πορτογαλία · Ρουμανία · Σλοβακία · Σλοβενία · Σουηδία · Τσεχία · Φινλανδία